Argitalpenak

Lege soziologiako ikerketa-lan berritzaileak argitaratzeko aukera ematen du LSNEk. Gure mintegiak oinarri ezin hobea dira lehen mailako argitalpenak sortzeko, eta Erakundeak atsegin handiz laguntzen du horretan.

Alde batetik, bi online aldizkari dauzkagu: Oñati Socio-legal Series eta Sortuz: Oñati Journal of Emergent Socio-Legal Studies. Bietan ere, artikuluek ebaluazio itsu bikoitza gainditu behar dute argitaratzeko baldintza gisa.

Oñati Socio-Legal Series nazioarteko aldizkaria da, 2011n sortua eta dagoeneko sendotua -2019an, Clarivate Analytics-en Web of Science ESCI indize ospetsuan sartu zen, eta 2020an, Elsevierren Scopus-en-, non lege soziologiaren barruan askotariko gaiak lantzen dituzten artikuluak kaleratzen diren (baita gure mintegi programatik datozen artikuluak ere). Sortuz, bestalde, Scopusen indexatutako aldizkaria ere bada, zeinak espazio birtual bat sortzea proposatzen du, erreala bada ere, zuzenbidearen eta gizartearen arteko harremanen arloan sortzen ari den komunitatea indartzeko, kalitatezko ikerketa-lanak argitaratuz.

Oñati Socio-Legal Series-en eta Sortuz-en ezaugarri bereizgarri bat da kargu-salbuespen osoa. Oñatiko LSNE Fundazioa izatearen ondorio bat da, irabazi-asmorik gabeko fundazioa. Politika honen aplikazioa jakintza sozio-juridikoaren zabalkunde globalerako diru-laguntza gisa ulertuko da, bai eta ezagutzarako sarbidea zabaltzeko benetako konpromiso gisa ere. Kargu-salbuespen horrek esan nahi du LSNEren urteko aurrekontuek bere gain hartzen dutela aldizkarien kudeaketa eta argitalpena. Biak dira Diamond Open Access motakoak. Aitzitik, sarbide irekiko journal gehienek artikulu-kudeaketa karguak dituzte; hala, Salomon eta Björk-en 2016ko ikerketa baten arabera (Ferrer-Sapena et al. 2021) 1, Mendebaldeko Europako agentzia eta instituzioek batez besteko 1.865 USD ordaindu zituzten halako karguetan. Mendebaldeko Europaren eta AEBen batez besteko prezioa 2000 eurokoa da, eta prezioek pixkanaka handitzen jarraitzen dute, Dan Pollock eta Heather Stainesek Delta Think-entzat egindako inkesta baten arabera (2023), zeinak adierazten duen batez besteko tarifa % 4,3 hazi zela 2022tik 2023ra.

Beste aldetik, bi liburu-bilduma argitaratzen ditugu: bata, ingelesez, Oñati International Series in Law and Society izenekoa, Bloomsbury-Hart etxearekin; eta bestea espainolez, Colección Oñati: Derecho y Sociedad, Dykinson etxearekin. Oñati International Series in Law and Society bildumak.

Oñati International Series in Law and Society-ren liburuak eklektikoak dira beren diziplina, metodologia eta ikuspegi teorikoetan, baina guztiek izaera konparatibo sendoa dute. Liburuek LSNEk antolatutako mintegietan dute jatorria. Liburuen proposamenak kontu handiz berrikusten dira Hart-en eta kanpoko ikuskatzaileetara bidaltzen dira. Ospe handiko bilduma da, 1996a ezkero argitaratzen dena; 1996tik 2000ra arte, Ashgate argitaletxearekin; eta orduz geroztik, Bloomsbury-Hart-ekin.

Oñati: Derecho y Sociedad Dykinson argitaletxe espezializatu ospetsuak argitaratu du, eta liburutegi-sarearen bidez banatzen da. Espainieraz argitaratutako liburuki horiek zuzenbidearen soziologiako azken aurrerapenak eta joerak eskaintzen dituzte, bai Espainian, bai Latinoamerikan. LSNEren serieko editoreen panelak berrikusi eta komisariatzen ditu, eta kontu handiz editatzen dira LSNEren bertan, egileentzako gainkargarik gabe.

LSNEk arreta handia ematen zaie euskal gaiei. 2018an argitaratu dugu Identitateak eta euskal zuzenbideak liburua, formatu elektronikoan; eta sail berezi baten batzen ditugu bere sorreratik LSNEk argitara eman dituen eta Euskal Herriarekin nolabaiteko lotura duten lanak. Horiek eskura daude bai gure liburutegian, bai zuzenean Internetetik deskargatzeko moduan.

[1] Ferrer-Sapena, Antonia; Vidal-Cabo, Christian; Aleixandre-Benavent, Rafael; Valderrama-Zurián, Juan Carlos (2021). Coste de la publicación en abierto de artículos de autoría española en cinco áreas de las ciencias sociales. Arbor, 197(799): a590. https://doi.org/10.3989/ARBOR.2021.799005

[2] Pollock, D., and Staines, H., 2023. News & Views: Open Access charges - Popular price bands become more expensive. Delta Think, 25 April. https://deltathink.com/news-views-open-access-charges-popular-price-bands-become-more-expensive/

Para más información: 

Leire Kortabarria

IISJ (Publicaciones)
Avenida de la Universidad, 8
Apartado 28
20560 Oñati (Gipuzkoa) - Spain
T: +34 943 78... Ver teléfono
E: publications@iisj.es

  @IISJOnati