Argitalpenak

Lege soziologiako ikerketa-lan berritzaileak argitaratzeko aukera ematen du LSNEk. Gure mintegiak oinarri ezin hobea dira lehen mailako argitalpenak sortzeko, eta Erakundeak atsegin handiz laguntzen du horretan.

Alde batetik, bi online aldizkari dauzkagu: Oñati Socio-legal Series, nazioarteko irakurleak dituen aldizkaria, 2011n sortua eta dagoeneko sendotua -2019an, Clarivate Analytics-en Web of Science ESCI indize ospetsuan sartu zen-, non lege soziologiaren barruan askotariko gaiak lantzen dituzten artikuluak kaleratzen diren (baita gure mintegi programatik datozen artiuluak ere); eta Sortuz: Oñati Journal of Emergent Socio-Legal Studies, zuzenbidearen eta gizartearen arteko harremanen inguruan sortzen ari den ikerkuntza-sarea indartzeko asmoz sortua. Bietan ere, artikuluek ebaluazio itsu bikoitza gainditu behar dute argitaratzeko baldintza gisa. Oñati Socio-legal Series-en politika editorialen eta artikulu-bidalketa moduen gainean gehiago jakiteko, mesedez, egin klik hemen (ingelesezko informazioa).

Beste aldetik, bi liburu-bilduma argitaratzen ditugu: bata, ingelesez, Oñati International Series in Law and Society izenekoa, Bloomsbury-Hart etxearekin; eta bestea espainolez, Colección Oñati: Derecho y Sociedad, Dykinson etxearekin.

Arreta handia ematen zaie euskal gaiei. 2018an argitaratu dugu Identitateak eta euskal zuzenbideak liburua, formatu elektronikoan; eta sail berezi baten batzen ditugu bere sorreratik LSNEk argitara eman dituen eta Euskal Herriarekin nolabaiteko lotura duten lanak. Horiek eskura daude bai gure liburutegian, bai zuzenean Internetetik deskargatzeko moduan.