Albisteak

Argitaratze data: Asteartea, Martxoa 10, 2020 - 16:35
Gorputza:

COVID-19ren GAINEKO INFORMAZIO-OHARRA

2020ko martxoaren 6a

Koronabirusaren inguruko zenbait kontsulta jaso ditugu. LSNE arazo honen inguruko informazioaren eta eboluzioaren gainean egon da, gure ekintzengan eta, are garrantzitsuago dena, gure ikasle, bisitari eta langileengan izan dezakeen eraginarengatik.

Lan zaila da hori, izan ere, jasotzen ditugun txostenak egunero aldatzen dira, baina, oraingoz, ez Osasunaren Mundu Erakundeak, ez Europako Batasunak, ez eta Espainiako eta Euskadiko gobernuek ez dute, gure iritziz, LSNEk datozen hilabeteotarako duen plangintzari eragin diezaioketen neurririk hartu (ikus bukaeran dauden estekak).

Espainiako eta Euskadiko agintari publikoek zenbait protokolo ezarri behar izan dituzte, osasun langileak eta jende guztia informatuta edukitzeko infekzioaren zenbait sintomaren aurrean nola jokatu, eta berehala behar den tratamendu medikua emateko. Protokolo horiei jarraituz, Euskadiko osasun sistema publikora jotzeko gomendatu behar diogu gripe sintomak, arnasa hartzeko zailtasunak edo sukarra duen edozeini, behar diren probak egin eta diagnostikoa jasotzeko. Zorionez, ez Oñatiko herriari ez eta LSNE osatzen dugunoi ez digu COVID-19k orain arte eragin.

Hala ere, kontuan izan behar dugu zenbait herrialdek (esate baterako, Txinak, Hego Koreak, Italiak, Suitzak eta beste askok) bidaiatzeko murrizketak eta bestelako prebentzio-neurriak hartu dituztela, eta horiek gure bisitari izan daitezkeenei eragin diezaieketela. Kanpotik datozen neurri horiek eragin egin diezaiokete ere gure plangintzari. Hori dela eta, zuen guztion laguntza eskertuko dugu, eta eskatuko dizuegu LSNErekin zerikusia duen eta aurreikusita duzuen edozein ekintzari eragin diezaioketen edozein informazio garrantzitsu guri jakinaraztea.

LSNEra etortzeko asmoa duen edozeinek bere bisitaren inguruko erabakia hartu beharko du bere osasunaren zein bere herrialdearen gomendio eta bidaia mugak kontuan hartuta, eta horren guztiaren eragina LSNEren ekintzetan ere kontuan hartuta. Erabaki horrek norberak egindako balorazio pertsonal eta ondo informatuaren ondorio izan beharko du, baina, gure aldetik, erabakia hartzen lagun diezazukegu, gure esku dagoen informazio eguneratuena emanez.

Zehazki, mintegietako antolatzaileei gonbita egiten diegu parte-hartzaileekin batera egoera azter dezaten eta gogoeta egin dezaten ahalik eta bilera onena egiteko moduaz, baita parte-hartzaile gutxiago izatera zein aurkezpen batzuk Skype bidez egin daitezen onartzera behartzen baditu ere.

Oro har, gaur arte egin diren gomendio ofizialen arabera, momentu honetan ez dago inongo eragozpenik LSNEn gure bisitariei ongietorria egiteko, nahiz eta nazioartean hartutako neurri batzuek haien etorrera zaildu dezaketen. Horregatik, gure oraingo jarrera ohiko gure ekintzei eustearen aldekoa da. Hala ere, egoera aldatuko balitz, eta gertakizunek hala justifikatuko balute, gure jarrera aldatzeko erabakia har genezake, hartuko genituzkeen neurriez lehen bailehen informatuz.

Oraingoz, eta egoera berezi hauen aurrean, honako neurriak hartu ditugu:

  • Parte-hartzaileei aukera ematea hitzaldi edo aurkezpen grabatuak egiteko edo Skype bitartez esku hartzeko, parte-hartzaile horiei gobernuek ezarritako osasun zein bidaiatzeko murrizketek eragiten badiete eta murrizketa horiek behar bezala dokumentatzen badituzte;
  • Oso garrantzitsua: LSNEk ez du inolako erantzukizunik izango, eta ez du inongo diru-itzulera erreklamaziorik hartuko, bidaiaren bat bertan behera utzi behar izateagatik edo gobernuek, osasun agintariek edo garraio enpresek hartutako bestelako erabakiengatik. Hala ere, mintegietako parte-hartze tasak itzultzeko eskaerak aztertuko ditu LSNEk, eta baita bisitarien halako eskaerak ere. Eskaera horiek arrazoituta egon beharko dira, eta arrazoiak ,behar bezala dokumentatuta. Banku-transferentzia gastuak tasen zenbateko garbitik kenduko dira.
  • Kasuan kasu aztertuko ditugu 2020rako planifikatutako mintegiak 2021era atzeratzea, baina, gure antolakuntza-egutegia kontuan hartuta, zaila izango dela ohartarazi behar dugu;
  • Bisitariak aurresan baino beranduago etorri ahal izango dira.

LSNEk egoera aztertzen jarraituko du une oro. Ahal dugun guztia egiten gabiltza gure erabakien inguruko gardentasuna bermatzeko egoeraz hausnartzen jarraitzen dugun bitartean, kontuan izanda gure erabiltzaileok izan dezaketen kezka guztiz ulergarria.

Mesedez, jar zaitezte gure lantaldeko kideekin harremanetan bestelako edozein informazio behar baduzue.

Adeitasunez,

 

Maite Elorza

LSNEko administrazio-zuzendaria

 

Noé Cornago

LSNEko zientzia-zuzendaria

 

 

Informazio gehiago:

Osasunaren Mundu Erakundea:  https://www.who.int/health-topics/coronavirus

Europako Batasuneko Gaixotasunen Prebentzio eta Kontrolerako zentroa (ingelesezko informazioa) 

 https://www.ecdc.europa.eu/en/covid-19/all-reports-covid-19 / https://www.ecdc.europa.eu/en/novel-coronavirus-china/sources-updated

Espainiako Osasun Ministerioa:

https://www.mscbs.gob.es/profesionales/saludPublica/ccayes/alertasActual/nCov-China/documentos/Recomendaciones_regreso_area_riesgo.pdf

Osasun Ministerioa, informazio eguneratua: https://www.mscbs.gob.es/profesionales/saludPublica/ccayes/alertasActual/nCov-China/situacionActual.htm

Eusko Jaurlaritzako Osasun Saila:

https://www.euskadi.eus/eusko-jaurlaritza/-/koronabirus-berriaren-aurrean-euskadin-jarduteko-informazioa-eta-gomendio-orokorrak/

EHUren, gure erakunde lankidearen gomendioak: https://www.ehu.eus/eu/-/informacion-de-la-situacion-del-coronavirus-o-covid-19

Fecha inicio:
Irudia:
Argitaratze data: Astelehena, Otsaila 3, 2020 - 16:56
Gorputza:

Oñati Irratiak elkarrizketa egin dio Camilo Umañari (Universidad Externado, Kolonbia) "egiaren batzordeak" direlakoak gaitzat hartuta, joan den astean LSNEko liburutegian berak eta Stephan Parmentierrek egin zuten hitzaldiaren harira. Podcast bidez zabaldu du Oñati Irratiak elkarrizketa hori.

 

Fecha inicio:
Irudia:
Argitaratze data: Astelehena, Urtarrila 13, 2020 - 12:10
Gorputza:

Oñatiko Lege Soziologiako Nazioarteko Erakundeak, Eusko Jaurlaritzako Giza Eskubide, Bizikidetza eta Lankidetza Idazkaritza Nagusiaren laguntzarekin, honako hitzaldia antolatu du: Comisiones de la verdad y Justicia Transicional: Los casos sudafricano y colombiano. LSNEko irakasle Stephan Parmentier (Lovainako Unibertsitatea) eta Camilo Umaña (Colombiako Externado Unibertsitatea) izango dira hizlariak. Berriketaldi hau urtarrilaren 21ean, martitzena, izango da, LSNEko liburutegian, 18:00etan; sarrera atzeko atetik (Aita Mortara kalea) izango da.

Besteak beste, "egiaren batzorde" izenekoak aztertuko dituzte hizlariek, eta halako egiturek dituzten erronkak. Halaber, Hego Afrikako eta Kolonbiako ereduak Euskal Herrian ere erabil daitezkeen aztertuko dute.

LSNEk Eusko Jaurlaritzaren laguntzarekin antolatu duen hitzaldi sortaren barruan kokatzen da honakoa. Ohi bezala, sarrera irekia eta doakoa da.

Fecha inicio:
Irudia:
Argitaratze data: Osteguna, Abendua 19, 2019 - 15:48
Gorputza:

Oñati Udala Bekaren deialdia irekita!

http://www.iisj.net/eu/bekak/o%C3%B1atiko-udala-beka

Fecha inicio:
Irudia:
Izenburua: Oñati Udala Beka
Argitaratze data: Osteguna, Azaroa 28, 2019 - 09:48
Gorputza:
Francisco Vertiz abokatu eta irakasle argentinarrak, Auzoko ekimeneko partaideak, herritar ugari erakarri zituen Inmigración, ciudadanía y derechos de los pueblos indígenas en Argentina hitzaldira. LSNEko liburutegian izan zen, eta plaza guztiak bete ziren. Hitzaldia egin ahal izan zen Eusko Jaurlaritzako Giza Eskubide, Bizikidetza eta Lankidetza Idazkaritza Nagusiaren laguntzari esker.
Fecha inicio:
Irudia:
Hitzaldiaren une bat.
Argitaratze data: Osteguna, Azaroa 21, 2019 - 15:27
Gorputza:

Francisco Vértiz irakasle eta Auzoko ekimeneko partaideak Inmigración, ciudadanía y derechos de los pueblos indígenas en la construcción del Estado argentino izeneko hitzaldi irekia egingo du azaroaren 27an, Oñatiko Lege Soziologiako Nazioarteko Erakundeko liburutegian, 19:00etan.

Eusko Jaurlaritzako Giza Eskubide, Bizikidetza eta Lankidetza Idazkaritza Nagusiaren laguntzarekin antolatu da hitzaldia.

Hitzaldian, Argentinako Estatuaren eraikuntza prozesuari begiratua egingo dio adituak, hango jatorrizko eta Afrikatik eratorritako herriek bertan izan zuten rola azalduaz eta berau isilpean nola geratu den argituaz.

Francisco Vertiz abokatua eta Gizarte Zientzietan doktorea da.

Fecha inicio:
Irudia:
Hitzaldiaren posterra.
Argitaratze data: Asteartea, Azaroa 12, 2019 - 12:27
Gorputza:

Newsletter #59 is online now with the latest news from the IISL. In this issue, you'll learn about the new master's students, the requisites to apply for a workshop in 2021, and the indexation of Oñati Socio-legal Series in Clarivate's Web of Science ESCI.

Click here to read it!


 

Fecha inicio:
Irudia:
Argitaratze data: Asteartea, Urria 22, 2019 - 12:28
Gorputza:

Elkar Hezi ikastetxeko DBH 2. mailako ikasleek LSNE bisitatu zuten urriaren 18an, egubakoitza. Alde batetik, LSNE hobeto ezagutzea zen helburua, eta, horretarako, besteak beste, liburutegiaren bisita gidatua egin zuten. Bestetik, Welcome to Oñati izeneko proiektuarekin jarraitu zuten. Urteak daramatza Elkar Hezik proiektu horrekin. Horren bitartez, ikasleek LSNEko masterreko ikasleak ezagutzen dituzte eta Oñati aurkezten diete.

Liburutegiko bisita gidatua.

Masterreko ikasleekin berriketan.

Fecha inicio:
Irudia:
Elkar Heziko ikasleak, liburutegian.
Argitaratze data: Ostirala, Uztaila 19, 2019 - 10:55
Gorputza:

Oñatiko LSNEren aurtengo mintegi denboraldia datorren astean bukatuko da, Youth Violence: De-escalation Strategies and Socio-Legal Responses izenekoarekin. Salbuespen gisa, astelehen eta martitzenean egingo da eguen eta egubakoitzean beharrean. Koordinatzaileak Australiako hiru irakasle dira: Asher Flynn (Monash University), Mark Halsey (Flinders University) eta Murray Lee (University of Sydney), eta Australiako, Erresuma Batuko eta AEBetako dozena bat aditu batzartuko dira.

Koordinatzaileen esanetan, gazteen biolentziak gora egin du mundu osoan, eta AEBetan, adibidez, hilketa da 10 eta 24 urte artekoen hiru heriotza-kausa sarrietakoena. Mintegiaren helburua da gazteen biolentzia deseskalatzeko praktika berri eta onak eztabaidatzea, boterea, generoa, arraza eta klasea bezalako kontzeptu gakoetatik begiratuta.

Fecha inicio:
Irudia:
Argitaratze data: Astelehena, Uztaila 15, 2019 - 10:07
Gorputza:

Oñatiko LSNEko hurrengo mintegia, Supporting Legal Capacity in Socio-Legal Context, izenekoa, uztailaren 18an eta 19an izango da. Antolatzaileak dira Rosie Harding (Birmingham-eko Unibertsitatea), Mary Donnelly (University College Cork) eta Ezgi Tascioglu (Birmingham-eko Unibertsitatea). Erresuma Batua, Irlanda, Finlandia, Suedia eta Indiako 21 aditu etorriko dira.

Mintegiaren ardatza da gaitasun juridikoa aitortzeko eskubidea; zehazki, desgaitasun fisiko, adimeneko edo psikosozialen bat duten pertsonen eskubide hori, izan ere, antolatzaileen esanetan, “desgaitasunen bat duten pertsonei sarritan ukatu izan zaie gaitasun juridiko eskubidea”. Baina Desgaitasunak dituzten pertsonen Eskubideen Nazioarteko Konbentzioak “giza eskubideetatik datorren nazioarteko bultzada” eman die arau-ikuspuntuetan eta lege-testuinguruetan ematen ari diren aldaketei.

Fecha inicio:
Irudia: